IKEF invitas vin al la 9a DK!

Karaj,

La 28an de februaro de 2021 okazis regula kunveno de IKEF t.e. dimanĉa kunveno kun 24 partoprenintoj el Belgio, Brazilo, Bulgario, Ĉinio, Irano, Koreio kaj Mongolio.

Dum la kunveno ĉina IKEF-ano s-ro Vojaĝisto Zhao Dezhi prezentis pri sia komerco en kampo de medicina tekniko. Li okupas pri medicinaj mikroskopoj delonge ĉe la firmao pri optikaj aparatoj en la urbo Chongqing-Jiangnan ekde 1985. La entrepreno estas lanĉita en 1952 kun nomo Xi’Nan Optika Ekspermimentejo kaj la nomo estas ŝanĝita en 1997 kiel “Optika fabriko de Chongqing-Jiangnan” Nun li estas direktoro de la firmao.

Ili vendas la mikroskopojn (komercaj markoj Olimpus kaj Zeiss): biologiaj (plurmediaj); fluoreskajn (operaciajn); mallarĝlumajn (metalografiajn) ktp, por hospitaloj, universitatoj kaj lernejoj kaj la firmao riparservas post la vendado. Lia prelego interesis multajn partoprenantojn kaj aperis multe da demandoj. Tra Ĉinio multe da hospitaloj, universitatoj kaj lernejoj uzas la diversajn mikroskopojn venditajn de la firmao. Nun ili celas kunlabori kun eksterlandaj partneroj. Se vin interesus la temo, bv turnu vin al la firmao aŭ IKEF-Ĉinio. Lia prezentaĵo estas surretigita sur la retejo de IKEF: www.ikef.info.

Nia sekva, la 10a DK (Dimanĉa Kunveno) okazos en venonta dimanĉo, la 7an de marto (je la horoj 12:00-12:40 kaj 12:50-13:30 laŭ Grenviĉa zono).

Bonvenon al nia renkontiĝo! La retaliraj informoj estos baldaŭ.

Amike,

Enkhee, vic-ĝenerala sekretario de IKEF

PS: La informoj de IKEF estas legeblaj ĉe:

- Hejmpaĝo https://ikef.info;

- Google-grupo “Komerco”;

- Facebook-paĝoj: “IKEF Internacia Komerca kaj Ekonomia Federacio” kaj “Komerco”;

- Facebook-grupoj: “Komerco helpe de Esperanto” kaj “Ekonomia Esperantismo”;

- Wechat-grupoj: “Monda komerco” kaj “Monda turismo”.